Click on a word to bring up parses, dictionary entries, and frequency statistics
“
[15]
quartam causam esse eamque vel
maximam aequabilitatem motus constantissimamque
conversionem caeli, solis lunae siderumque omnium
distinctionem utilitatem pulchritudinem ordinem, quarum rerum aspectus ipse satis indicaret non esse ea
fortuita: ut, si quis in domum aliquam aut in gymnasium
[p. 55]
aut in forum venerit, cum videat omnium rerum
rationem modum disciplinam, non possit ea sine causa
fieri iudicare, sed esse aliquem intellegat qui praesit et
cui pareatur, multo magis in tantis motionibus tantisque vicissitudinibus, tam multarum rerum atque tantarum ordinibus, in quibus nihil umquam inmensa et
infinita vetustas mentita sit, statuat necesse est ab aliqua mente tantos naturae motus gubernari.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.